Атып тастады: Иран халқы Иран құрамасының жеңілісін тойлап жатыр

Иранда халық Иран құрамасының әлем чемпионатында 1/8 финалға шыға алмағанын тойлап жатыр. Тегеранда және бірнеше қалада адамдар көшеде билеп, көліктерінің сигналын басып, жеңілісті тойлаған. Бұл туралы Азаттықтың Иран қызметі мен ВВС сайты хабарлады. Азаттықтың Иран қызметінің жазуынша, елдің солтүстігінде полиция футбол құрамасының жеңілісінен соң көшеге шыққан бір адамды атып тастаған. Еркін күрестен Атланта олимпиадасының чемпионы атанған ирандық балуан Расул Хамид желіде "футбол құрамасының жеңілісіне қуану – билікке деген қарсылық" деп жазды. Көптеген ирандықтар қазіргі құрама әлем кубогына исламистік республиканың атынан қатысып жатыр деп қолдаудан бас тартқан. Иран футболшылары топтық кезеңде Англиямен алғашқы матчта әнұран айтудан бас тартқан, бірақ кейін Уэльс және АҚШ-пен матчта әнұран айтқан. Иран құрамасы топтық кезеңде алғашқы матчта Англиядан 2:6 есебімен жеңілген. Кейін Уэльсті 2:0 есебімен жеңіп, плей-офф кезеңіне шығуға мүмкіндігі болған. Бірақ шешуші ойында АҚШ құрамасынан 0:1 есебімен жеңіліп, жарысты аяқтады.

Taulik.kz