Байзақтағы жарылыс: сүйегі табылған Дәуітбаевты жерлеу рәсімі өтті (ВИДЕО)

ашық дереккөзі

Жамбыл облысында бір жыл үш айдан кейін сүйегі табылған Бауыржан Дәуітбаевты жерлеу рәсімі өтті, деп хабарлайды Taulik.kz Халық үніне сілтеме жасап. Байзақтағы жарылыстан кейін жоғалған Бауыржан Дәуітбаевты жерлеуге ауыл тұрғындары мен марқұмның әріптестері қатысты. Марқұмның отбасы Байзақ ауданының Базарбай ауылында тұрады. Айта кетейік, марқұмның шашылған сүйегінің бөлшектері мен киім қалдықтары жарылыс болған әскери бөлімнің ауласынан табылған. Табылған сүйекке жасалған сараптама із-түссіз жоғалған ер адамға толық сәйкес келген.