Иранда осы күзде наразылық шерулеріне қатысқаны үшін сотталған алғашқы демонстрант дарға асылды, деп хабарлайды Taulik.kz.
Иранның революциялық соты Мохсен Шекариді 8 желтоқсан күні таңертең "Құдайға қастандық жасады" деп айыптап, дарға асты, деп хабарлайды Ирандық БАҚ.
БАҚ-тың хабарлауынша, Шекариге наразылық акциясына қатысқаны үшін айып тағылған. Соттың мәліметінше, қыркүйектің 25-і күні ол Теһранның басты жолын жауып, «Басидж» азаматтық жасақтарының бір мүшесін пышақтап кеткен.
Қазір Иранның сот билігі үкіметке қарсы шерулерге қатысқан 11 адамды өлім жазасына кескені атап өтілді. Жалпы, наразылық кезінде 15 мыңға жуық адам қамауға алынды, 378 адам қаза тапты.
Taulik.kz
