Түркияны 20 жыл басқарды: Ердоғанның жалақысы қанша?

Түркия вице-президенті Фуат Октай ел президенті Режеп Тайып Ердоғанның айлық жалақысы туралы сұраққа жауап берді, деп хабарлайды taulik.kz Ulysmedia.kz сайтына сілтеме жасап. Октайдың айтуынша, Түркия Президентінің таза жалақысы – 66 мың 445 түрік лирасы (шамамен 1 675 570 теңге). 2023 жылдың маусымында Түркияда президенттік және парламенттік сайлау жоспарланған. Сенбі, 10 желтоқсанда 2003 жылдан бері билікте отырған Ердоған осы жолы соңғы рет президенттік сайлауға қатысып, содан кейін ел тізгінін жастарға беретінін астарлап ұқтырды.