Профессор мен студент бір күнде қайтыс болды

Алматы энергетика және байланыс университетінде профессор Алмас Жақыпов пен студент Әмірәлі Ахметов бір күнде қайтыс болды, деп хабарлайды taulik.kz ақпарат агенттігі elorda.info сайтына сілтеме жасап.

«Ғұмарбек Дәукеев атындағы Алматы энергетика және байланыс университеті 2022 жылғы 13 желтоқсанда өмірінің 70 жылында Инженериядағы менеджмент және кәсіпкерлік кафедрасының профессоры Алмас Аусыдықұлы Жакупов қайтыс болды деп қайғыра хабарлайды»,-делінген Instagram парақшасында. Ізінше әлеуметтік желіде тағы бір қайғылы оқиғаға көңіл айтқан басшылықтың сөзі жарияланды. «Университет басшылығы МИСк-22-1 тобының магистранты Амирали Ахметовтың мезгілсіз қазасы туралы қайғыра хабарлайды және туыстары мен жақындарына көңіл айтады»,-деп көрсетілген. ЖОО-да орын алған профессор мен 22 жастағы 1 курс магистрант өлімінің себептері туралы ештеңе айтылмаған.