Таразда қоқыс жәшігі жанынан нәрестенің мәйіті табылды

Тараз қаласында қоқыс жәшігінің жанынан пластикалық шелектен шала туған нәрестенің мәйіті табылды. Бұл туралы Polisia.kz хабарлады. Оқиға орнына шұғыл түрде жедел-тергеу тобы шықты. Сәбидің денесі Жамбыл облысының мәйітханасына жеткізілген. Қазіргі уақытта оның анасын анықтау бойынша жұмыстар жүргізіліп жатыр. Сот-медициналық сараптама тағайындалды.