Талдықорғанда жылу қазандығы жарылды

Талдықорғандағы қазандықта жарылыс болды. Әлеуметтік желіде қаладағы шағын аудандардың біріндегі қазандықтағы жарылыс салдары туралы видео тарады. Талдықорған қаласының әкімдігі 11 желтоқсан күні сағат 12:55-те «Жетісу» шағын ауданындағы қазандықтың екі қабатты ғимаратында жылу қазандығы жарылғанын хабарлады.

Посмотреть эту публикацию в Instagram

Публикация от Новости Алматинской области. (@kris_p_tdk)

"Жалпы, оқиға кезінде бір қазандық жұмыс істеп тұрды, қазір резервтік қазандық іске қосылып жатыр. Зардап шеккендер мен қаза тапқандар жоқ. Ауа температурасы -11 градус. Жылу магистралінде 52 градус ыстық. Жұмыс температурасы бір сағат ішінде қалпына келтіріледі», - делінген хабарламада. Жылыту қазандығы 70 көпқабатты және 112 жеке тұрғын үй, сондай-ақ сегіз бюджеттік ұйымды жылумен қамтиды.