Хоккейден Қазақстан құрамасы АҚШ-та өтіп жатқан Универсиадада үшінші жеңісіне жетті

Хоккейден Қазақстанның студенттер құрамасы қысқы Универсиада-2023 турнирінде үшінші матчында да жеңіске жетті. Ұлыбритания құрамасына қарсы матчта хоккейшілер 15-1 есебімен жеңіске жетті. Қарсыластың қақпасына шайбаны Батырлан Мұратов (хет-трик), Иван Гавриленко, Максим Мұхаметов, Всеволод Логвин, Артем Королев, Данил Бутенко, Әлихан Өмірбеков, Руслан Демин, Әли Қасенов және Кирилл Полохов кіргізді. Естеріңізге сала кетсек, қазақстандықтар В тобында өнер көрсетеді, осыған дейін Оңтүстік Корея (5:1) және Мажарстан (9:1) құрамаларын жеңді. Енді Словакия және АҚШ командаларына қарсы ойнайды.