15 адамды өлтірді деп айыпталған: Челах ісіне қатысты тергеу қайта басталды

Бас прокуратура 15 адамды өлтірді деп айыпталған Владислав Челах ісіне қатысты тергеу процесі қайта басталғанын мәлімдеді, деп хабарлайды taulik.kz. Қостанайда жазасын өтеп жатқан Челахтың өтінішін тексеру үшін зерттеліп жатқан қылмыстық іс қайта қозғалмақ.

«Сотталған адамның дәлелдері ҚР Конституциялық заңында белгіленген тәртіпке сәйкес тексеріледі», – деп жазды Zakon.kz.

Айта кетейік, 2012 жылғы 28 мамырда Қазақстан-Қытай шекарасы бойындағы «Арқанкерген» бекетінде 15 адам қаза тапқан болатын. Олардың ішінде 14 әскери қызметші және бір орманшы бар. Бұл оқиғаға мерзімді әскери борышын өтеп жүрген сарбаз кінәлі деп танылып, Владислав Челахты сот өмір бойына бас бостандығынан айырды.