Украинадағы соғысқа байланысты 5 млн бала оқуын тоқтатты

Украинадағы соғысқа байланысты бес миллионнан астам бала оқуын тоқтатты. Бұл туралы Халықаралық білім беру күнінде ЮНИСЕФ дабыл қақты, деп хабарлайды taulik.kz.

«Кідірту» түймесі жоқ. Бүкіл ұрпақтың болашағына қауіп төндірмей, балалардың білімін кейінге қалдыру және басқа да басым міндеттерді шешкеннен кейін оған қайта оралу мүмкін емес», - деп атап өтті ЮНИСЕФ-тің Еуропа және Орталық Азия бойынша өңірлік директоры Афшан Хан.

Украинада мыңдаған оқу орындары қирады, бүлінді. ЮНИСЕФ азаматтық нысандарға, соның ішінде балалар мен отбасылардың өмірі тәуелді энергетикалық инфрақұрылымға жасалған шабуылдарды тоқтатуға шақырды.