Солтүстік Қазақстан облысында 23 жастағы қыз іздестіріліп жатқанына екі аптадан асты

Солтүстік Қазақстан облысында екі аптадан астам уақыттан бері Мамлютка қаласындағы үйінен шығып кетіп, оралмаған 23 жастағы бойжеткен іздестірілуде, - деп хабарлайды Taulik.kz  Petropavlovsk.news сайтына сілтеме жасап. 10 қаңтарда Алена Пяткова Петропавлға барған, содан бері ол туралы ешқандай мәлімет жоқ. Белгілері: бойы 168 сантиметр, дене бітімі арық, шашы қара, ұзын, көзі көк. Қыздың үстінде қызғылт үлбір бас киім, ақ тоны бар қара көк күрте, көк түсті қысқа джинсы шалбар және қара етік болған. Алена Пяткованың тұрған жері туралы білсеңіз, мына телефондарға хабарласыңыз: +7-777-307-99-65, 8-926-626-64-33 немесе 102.