Түркиядағы зілзаладан тұтас бір волейбол командасы қаза тапты

6 ақпан күні Түркияда болған жойқын жер сілкінісінен кейін түркиялық үш волейболшы, сондай-ақ Солтүстік Кипрдің тұтастай бір волейбол командасы қаза тапты. Бұл туралы taulik.kz Халық үніне сілтеме жасап хабарлайды.  Адыяман қаласындағы үйінділер астынан 16 кипрлік волейболшы табылды. Бұл туралы Түрік волейбол федерациясы хабарлаған. Сондай-ақ Adıyaman Gençlerbirliği және Малатья BBSK командаларының ойыншылары Гамзе Наз Чучук, Эмине Арслан және Эминкан Коджабаштың жойқын жер сілкінісі салдарынан көз жұмғаны анықталды. Осыған байланысты федерация марқұмдардың отбасына көңіл айтқан.