Жаңа жыл – адамдардың жүрегіне жылулық сыйлайтын, жақсылыққа жетелейтін ерекше мереке. Бұл күнді үлкен де, кіші де асыға күтеді. Қысқы табиғаттың сұлулығы, аппақ қардың мамығы мен шыршалардың көкжасыл түгі – бәрі де мерекенің шырайын аша түседі.
Біздің үйде Жаңа жылды қарсы алу – нағыз мейрам! Әр жаңа жылға дайындықты біз шырша безендіруден бастаймыз. Шыршаның әр бұтағы түрлі-түсті ойыншықтармен, жарқыраған шамдармен сәнденеді. Оның төбесіне әдемі алтын жұлдыз ілінгенде, үйіміз ерекше жайдарлы күйге бөленеді. Бұл сәтте барша жанұямыз бірлесіп, шаттыққа толы сәттерді бірге бөлісеміз.
Жаңа жыл қарсаңындағы дайындық – әр отбасының қуанышы. Анам дәмді тағамдар дайындап, дастарханды молшылықпен көмкерсе, әкем үйдің сәнін келтіретін жаңа әшекейлер жасайды. Ал мен менің ағам шыршаның астына сыйлықтарды тізіп қоямыз. Бұл сыйлықтар біздің жақындарымызға деген махаббат пен қамқорлықтың белгісі іспетті.
Түнгі сағат он екіге таяғанда, бәріміз дастархан басына жиналып, өткен жылға ризашылығымызды білдіріп, жаңа жылға арман-тілектер айтамыз. Сағат тілі дәл он екіні көрсеткенде, аспан отшашуларға толып, түрлі-түсті жарықтар жан-жаққа шашырап, көңіл-күйді көтеріп жібереді. Бұл сәт – жүректегі үміттің қайта жаңғырып, бақытқа толы сәттерге жетелейтін уақыт.
Жаңа жыл – тек мереке ғана емес, ол армандар орындалатын, мейірім мен махаббатқа толы шақ. Менің Жаңа жылдағы тілегім – әрбір отбасыға шаттық, елімізге тыныштық, ал барша адамзатқа бейбіт өмір сыйлансын! Жаңа жылда жүректерімізде үміт оты сөнбесін, әр күніміз қуанышқа толы болсын!
