Алматы қаласында және бірнеше облыста арнайы операция жүргізіліп, қылмыстық топтың қызметі тоқтатылды. Ұйымдасқан қылмыстық топтың мүшелері заңсыз рейдерлікпен, бопсалаумен, адам ұрлаумен айналысып келген. Олардың әрекеттері елдегі шағын және орта бизнестің қауіпсіздігіне тікелей қатер төндіріп, кәсіпкерлерге қысым жасау арқылы табыс көздерін иеленуді көздеген.
Қылмыстық топ қалай жұмыс істеген?
Тергеу барысында белгілі болғандай, қылмыстық топ Алматы қаласында тіркелген «күзет агенттігі» арқылы әрекет еткен. Бұл ұйым сырт көзге заңды мекеме болып көрінгенімен, іс жүзінде ұйымдасқан қылмыстық құрылымның «қақпағы» болған. Олар көңіл көтеру орындары мен басқа да кәсіпкерлік нысандарды бақылауға алып, иелеріне моральдық және физикалық қысым көрсетіп, бизнесін тартып алуға дейін барған.
Қорқытып-үркіту әдістері арқылы олар кәсіпкерлерге:
«бизнестеріңді қорғап береміз» деген сылтаумен,
«қауіпсіздік үшін ақы төлеу керексің» деген талаппен,
«біздің қорғаусыз жұмыс істесең, қиын болады» деген тікелей қоқан-лоқы жасап отырған.
Бұл әдіс классикалық рэкетинг және қарақшылық жолмен табыс табу схемасына ұқсайды. Қылмыстық топ өзінше көлеңкелі «парақор құқық қорғау органы» ретінде жұмыс істеген.
Арнайы операция: 20 адам ұсталды
Мемлекеттік органдар — Ұйымдасқан қылмысқа қарсы күрес басқармасы (УБОП), Ұлттық қауіпсіздік комитеті, Прокуратура бірігіп, ауқымды операция жүргізген. Нәтижесінде Алматы, Жетісу, Түркістан, Маңғыстау, Жамбыл және Алматы облыстарында 20 күдікті ұсталып, 40-тан астам мекенжайда тінту жүргізілді.
Операция барысында:
7 дана атыс қаруы (оның ішінде 3 кесілген мылтық, Макаров тапаншасы, Калашников автоматы),
100-ден аса оқ-дәрі тәркіленді.
Тергеу аясында қандай қылмыстар дәлелденіп жатыр?
Қазіргі уақытта қылмыстық топ мүшелеріне қатысты бірнеше ауыр бап бойынша тергеу жүргізілуде:
Бұзақылық (хулиганство)
Бопсалау (вымогательство)
Адам ұрлау (похищение)
Өзінше билік ету (самоуправство)
Денсаулыққа қасақана зиян келтіру
Сонымен қатар, қылмыстық топ құру және оған қатысу дерегі бойынша да қылмыстық іс қозғалған. Тергеу барысында топ мүшелерінің басқа да қылмыстарға қатысы бар-жоғы тексеріліп жатыр.
