Футболшы Сон Хын Миннің басы дауға қалды ма? — жүктімін деген әйел ақша талап еткен
СЕУЛ, 8 желтоқсан — Оңтүстік Кореяда ұлттық құраманың капитаны, қазіргі таңда MLS клубы Los Angeles FC сапында ойнайтын футболшы Сон Хын Миннен ақша бопсалаған әйелге сот үкім шығарды. Бұл туралы Yonhap агенттігі хабарлады.
Сот дерегінше, 20 жастағы Ян есімді әйел өзін футболшыдан жүкті екенін алға тартып, бұл ақпаратты жариялаймын деп қорқытып, 300 млн вон (шамамен 205 мың доллар) алған. Кейін ол тағы 70 млн вон талап еткен. Онымен бірге әрекет еткен 40 жастағы ер адам да жауапқа тартылды.
Сеулдің орталық округтік соты:
Янға 4 жыл түрме жазасын, оның сыбайласына 2 жыл бас бостандығынан айыру жазасын тағайындады.
Сот шешімінде айыпталушылар Сон Хын Миннің танымалдығын және «сол жағдайдағы осалдығын» қасақана пайдаланғаны, бұл футболшыға айтарлықтай психологиялық қысым келтіргені айтылған.
Тергеу барысында Ян жүктіліктегі баланың әкесі кім екенін растауға дәлел ұсына алмаған.
Футболшының өкілдері пікір білдіре алмады. Бұған дейін Сонның агенттігі ойыншы Янды танитынын, бірақ оның талаптары жалған материалдармен расталғанын мәлімдеген.
Сон Хын Мин биыл жазда ағылшын Премьер-лигасындағы «Тоттенхэм Хотспурдан» АҚШ-тың MLS лигасына ауысып, Los Angeles FC құрамына қосылған еді.
