Асхат Шахаров Ақтөбе облысының әкімі лауазымына тағайындалды, деп хабарлайды Taulik.kz.
Бұған дейін ол ҚР Президенті әкімшілігінің мемлекеттік инспекторы қызметін атқарған.
Шахаров 2002 жылы Т.Рысқұлов атындағы Қазақ экономикалық университетін халықаралық экономист мамандығы бойынша бітірген.
Сондай-ақ РФ Президенті жанындағы Ресей Мемлекеттік қызмет және халық шаруашылығы академиясын аяқтаған. Экономика ғылымдарының кандидаты.
Самбодан үш мәрте әлем чемпионы, екі дүркін әлем кубогының иегері, дзюдодан дүниежүзілік біріншіліктің қола жүлдегері, ҚР еңбек сіңірген спорт шебері.
