Алматы мен Түркістанда Қазақстанда тыйым салынған ДАИШ және "Хизб-ут-Тахрир әл-Ислами" ұйымдарының жақтаушылары терроризмді насихаттады деген күдікпен ұсталды.
"Алматы қаласының полиция департаменті ұлттық қауіпсіздік комитетінің көмегімен терроризм идеяларын насихаттады деген күдіктіні ұстады. Ол "Хизб-ут-Тахрир әл-Ислами" діни-экстремистік ұйымының жақтаушысы екені анықталды. Сонымен қатар Түркістанда ПД қызметкерлері прокуратура органдарын үйлестіру кезінде терроризм идеяларын насихаттады деген күдікпен жергілікті тұрғынды ұстады. Ер адам Қазақстанда сот шешімімен тыйым салынған "ДАИШ" халықаралық террористік ұйымы идеологиясының жақтаушысы болып шықты", – делінген хабарламада.
ІІМ мәліметтері бойынша, екі күдіктінің тұрғылықты жерін тінту кезінде діни әдебиеттер мен өзге де заттай дәлелдемелер тәркіленді.
ҚК 256-бабының 1-бөлігі “Терроризмді насихаттау немесе терроризм актісін жасауға жария түрде шақыру” бойынша сотқа дейінгі тергеп-тексеру жүргізіледі.