Қазақстанда әскери қызметтің жаңа түрі – запастағы ерікті қызмет пайда болады. Бұл туралы Қорғаныс министрі Руслан Жақсылықов айтты.
«Заң мемлекетіміздің жұмылдыру дайындығын арттыруға бағытталған. Өздеріңіз білесіздер, экономикасы дамыған әлемнің бірде-бір жетекші мемлекеті әскерін толықтай сақтай алмайды. Бұл өте қымбат. Осының негізінде резервтегі қызмет басымдыққа ие болады»,- деді Жақсылықов.
2025 жылы билік екі мыңға жуық резервтегі әскерлерді шақыруды жоспарлап отыр. Оларды ұстауға жылына 3,5 миллиард теңгеден астам қаражат қажет.
Заң жобасында:
запастағы əскери қызметке кіретін адамға запаста əскери қызмет өткеретін əскери қызметші (бұдан əрі – запастағы әскери) мəртебесін беру;запастағы әскери қызметке іріктеу және қабылдау тетігі;запастағы әскери қызметкердің құқықтары мен міндеттері;запастағы әскери қызметті өтеу тәртібін;әлеуметтiк қамсыздандыру және әскери қызметшiлердiң барлық түрлерiн үстемеақылармен қамтамасыз ету;запастағы қызметтен босату.Сонымен қатар, заң жобасымен запастағы әскери қызметте болудың шекті жасы, запастағы әскери қызметшілерді даярлау және оның тәртібі, сондай-ақ запастағы әскери қызметшілердің қызмет ету кезеңінде залал келтіргені үшін жауапкершілік белгіленді.