Ресей президенті Владимир Путин 2025 жылы Мәскеудегі Қызыл алаңда спорттық парад өткізуді тапсырды. Бұл бастамаға «Здоровое Отечество» қозғалысының жетекшісі Екатерина Лещинская қолдау білдіріп, парадты Сталин заманындағыдай деңгейде ұйымдастыруды ұсынды. Мұндай шаралар алғаш рет 1919 жылы басталып, 1931 жылдан бастап жыл сайын өткізілген. Олар кеңес дәуірінде, әсіресе Сталиннің билігі кезінде, халықтың спортқа қызығушылығын ояту және ұлттың денсаулығын нығайту мақсатында ұйымдастырылған болатын.
Соғыс жылдары, яғни 1941-1943 жылдары, бұл парадтар тоқтатылып, кейіннен стадиондарда өткізілді. Соңғы жылдары Қызыл алаңдағы мұндай шаралар қайта жанданбақшы. Бұл қадам Ресейдің спорттық мәдениетін қайта жаңғырту және спортшылардың мәртебесін арттыруға бағытталған идеяның бір бөлігі болып табылады.
Путиннің бұл бастамасы Ресейде спортты дамыту және салауатты өмір салтын насихаттау саясатының жалғасы ретінде қарастырылуда. 2024 жылды спорт жылы деп жариялау ұсыныстары да осыған сәйкес келіп отыр.
