Қазақстан полициясы Республика күніне байланысты күшейтілген тәртіпке көшпек.
Бұл туралы Ішкі істер министрлігінде өткен брифингте Әкімшілік полициясы бастығының орынбасары Әлібек Кеңіспаев мәлімдеді.
Кеңіспаев бұл күндері қоғамдық тәртіпті сақтауға жұмылдырылған полиция қызметкерлері мен Ұлттық ұлан әскерлерінің саны 20 мыңға жететінін атап өтті.
«Әр облыстағы әкімдіктермен бірлесе отырып, мәдени-көпшілік шараларды өткізу орындары келісіліп, құқық қорғау органдарының күштері мен құралдарының есебі дайындалды» деді ол.