Қасым-Жомарт Кемелұлының "Известия" басылымына берген сұхбатында Қазақстанның бірқатар аймақтарында Ресей мектептерін ашу жоспарда бар екенін атап өтті. Сондай-ақ, Ресейде де қазақ мектептерінің ашылуын жоспарлаймыз деген еді. Ал Байқоңырда қазақ мектебін ашуға қандай мәселе туып тұр?
Байқоңыр білім беру басқармасы қазақ тілді пәндерді қосымша пән ретінде оқыта алатыны туралы мәлімдеді.
«Аталған пәндерді (Қазақ тілі мен әдебиеті және Қазақстан тарихын) Байқоңырдағы Ресей мектептерінде оқыту жеке таңдау бойынша ғана мүмкін. Яғни, бұл пәндерді мектеп бағдарламасынан тыс, қосымша пән ретінде ғана оқытуға болады. Онда да ата-аналардың қалауымен ғана!», – дейді Байқоңыр қаласының Білім басқармасы.
