Қазақстанда мопедтерді міндетті тіркеуді енгізу және олардың иелеріне жүргізуші куәлігін беру мәселесі қарастырылуда. Бұл туралы үкіметте өткен брифингте Ішкі істер министрінің орынбасары Игорь Лепеха мәлімдеді, деп хабарлайды Taulik.kz.
Жаңа талаптарды енгізуді кім ұсынды. Лепеха бұл ұсынысты Ішкі істер министрлігінің өзі көтергенін және оның жол апатының жоғары болуымен және мопед жүргізушілерінің, әсіресе, Алматы мен Астанада жол ережесін бұзуының көптігімен байланысты екенін айтты.
«Мәселе күрделі, біз Мәжіліске осы қызметті жүйеге келтіру, мопедтерді тіркеуден өткізу, мемлекеттік нөмірлер мен жүргізуші куәлігін алу туралы ұсыныс енгіздік. Депутаттар бізді қолдай ма, жоқ па, білмейміз, біз депутаттармен талқылап жатырмыз, олар қолдаса, бірден сандарды жариялаймыз», - деді Лепеха.
Мопедистер жол ережесін қаншалықты жиі бұзады? Министрдің орынбасары екі айдан аз уақыт ішінде (қыркүйек-қазан) 5 мыңнан астам мопед жүргізушісі жол қозғалысы ережелерін бұзғаны үшін жауапкершілікке тартылғанын, оның ішінде 271-і жаяу жүргіншіні қағып кеткені үшін, 110-ы жол ережесін қайталап бұзғаны үшін, 214-і мопед жүргізгені үшін, 20 - алкогольдік немесе есірткілік масаң күйде мопедті басқарғаны үшін жауапқа тартылған.
