Депутат Қазыбек Иса Талғардағы оқиғаға қатысты пікір білдіріп, құзырлы органдардың қызметін сынға алды, деп хабарлайды Taulik.kz.
Депутат Қазыбек Иса YouTube желісіндегі "Qazaq Uni" арнасына берген сұқбатында Талғар трагедиясына қатысты тергеудің әділ жүріп, ашық сот болғанын әрі қылмыскерлердің қатаң жазалауы қажет екенін баса айтты.
Сонымен қатар, депутат қоғамдағы соқтады мәселелерге тоқталды:
«Мемлекеттік тіл туралы Заңы бар елде Черчесовтер шегіне жетіп, ойына келгенін істемейді»;
«Сайлауда талай дауыс ұрлауды көріп едім, әдебиетте де бұған көзім жетті»;
«Талғар трагедиясы Ішкі істер саласына түбегейлі реформа қажеттігін көрсетті»;
«Заманбек өзін-өзі үш рет атып өлтірді деген видеоны таратқан Ішкі істер саласы әлі сол 20 жыл бұрынғы қалпында»;
«Біз бұл істі өз бақылауымызға аламыз! Біздің талап – ашық әділ сот!»;
«Черчесов айына 53 миллион теңге алады! Бұл не деген ақша?! Бұл бюджеттікі болмаса, Барменқұловтың ақшасы ма?»;
«Қарсыласқа емес, Қазақстанның қақпасына кіргізген гол үшін 80 млн береді екенбіз»;
«Ұлттық идеологияның негізі – мемлекеттік тіл. Тілің болмаса, тірлігің дамымайды. Бұған 30 жылда анық көзіміз жетті»;
«Сайлауда талай дауыс ұрлауды көріп едім, әдебиетте де бұған көзім жетті», – деп өзін мазалап жүрген ойларды ортаға салды депутат.
